رسمياً طرح الاعلان ال16 لمحدودي ومتوسطي الدخل الشروط والأماكن وتفاصيل التقديم

رسميا تم طرح شقق الاسكان الاجتماعي الإعلان ١٦ (سكن كل المصريين ٣) تسليم الشقق فوري.

قبل الدخول في التفاصيل في شوية اسئلة بيدورا في بالك فهجاوبلك عليهم ولو في اي سؤال تاني اكتبه في التعليقات وهيتم الرد

ياريت نركز مع بعض شوية ف البوست دا عشان الموضوع بسيط جدا ومش مستاهل كل اللغط دا 

1 - هو الشقق محدود دخل ولا متوسط دخل ؟

حضرتك كل الشقق اللي نازلة محدود ومتوسط ف نفس الوقت .. وتعامل صندوق الاسكان مع حضرتك كمحدود او متوسط دخل انت اللي بتختاره على حسب دخل حضرتك وعلى حسب انت مختار ف الكراسة حجز شقة محدود دخل ولا متوسط دخل يعني لو دخل حضرتك اكتر من 6000 جنيه فا طبيعي هتتعامل معاملة متوسط دخل 

2- ارفع الورق ازاي ع الموقع ؟

حضرتك بتنشئ حساب خاص بيك الاول ودا وضحنا بيتعمل ازاي هنا ع الجروب وبعد كدا لازم تكون مشتري الكراسة وواخد وصل شراء الكراسة ودافع مقدم جدية الحجز وواخد وصل سداد جدية الحجز عشان الوصلين (شراء الكراسة وجدية الحجز) مطلوبين من ضمن الورق اللي هيترفع وبعد كدا بتصور الورق كله وتحطه ف ملف pdf وتكون مساحته اقل من 2 ميجا ودي حاجة بسيطة ممكن ابن حضرتك او اخو حضرتك يعملها بسهولة 

3 - انا دفعت جدية الحجز ورفعت الورق وجالي رسالة ع الموقع اني المفروض ادفع جدية الحجز وانا دافعها والله اعمل ايه ؟

عادي جدا عشان خاطر لما حضرتك بتدفع جدية الحجز الموضوع بياخد يومين تلاتة عقبال ما بيسمع ف السيستم انك دفعت فمتقلقش خالص هي مش مشكلة وكدا كدا طلاما دفعت فالموضوع خلصان واللي عايز يتأكد بنفسه ميرفعش الورق ع الموقع ف نفس اليوم اللي هيدفع فيه جدية الحجز ، يصبر يومين تلاتة وبعدين يرفع الورق هيشوف بعينه الرسالة اللي هتجيله انه تم تسجيل طلبكم بنجاح 

4 - انا مثلا ساكن ف القاهرة بس عايز اقدم ف شقق القليوبية ينفع ولا لأ ؟

ينفع ومحدش هيقولك لأ بس هي الفكرة كلها ان الموضوع اولويات يعني الاولوية لأبناء المحافظة ثم اللي شغالين فيها ثم المحافظات المجاورة ومن الآخر اللي ليه نصيب ف شقة هياخدها حتى لو كانت فين 

5 - بيقولوا فيه اعلان نازل للقاهرة الشهر الجاي ولا اللي بعده ؟

دي معظم الاسئلة المتكررة ودي اجابات الاسئلة ولو في اي سؤال تاني اكتبه في التعليقات

تعال بقي نعرف تفاصيل الاعلان كاملة

◼يبدأ سعر الشقة يبدأ من ١٩٤ ألف وحتى 310 ألف

◼مساحة الشقة من ٣ غرف كاملة التشطيب

◼يبلغ مقدم جدية الحجز ١٥ ألف

◼تصل تقسيط الشقق لمده تصل الي ٣٠ سنه بفائدة ٣%متناقصه



كراسات الشروط بمكاتب البريد من يوم 25/9 : 1/10 لذوي الاحتياجات الخاصة ومن 2/10 : 27/10 لكل الناس

شروط الحجز سكن لكل المصريين

- لا يقل عمره عن 21 عام ولا يزيد على 50 عام.


- لا يحق للمتقدم أو الأسرة «الزوج، الزوجة، الأولاد القصر» التقدم لحجز أكثر من وحدة سكنية.


- أن يكون المتقدم من أبناء المحافظة، وتكون الأولوية للعاملين أو المقيمين بالمحافظة ذاتها.


- لا يجوز التصرف في الشقق السكنية المطروحة بالبيع أو التأجير أو تغيير النشاط غير السكن فيها.


- لا يجوز ترك الشقق السكنية الحاصل عليها الفئات المستحقة بعد التسليم شاغرة دون سكن.


- يجب استيفاء جميع المستندات والأوراق المطلوبة من صندوق الإسكان الاجتماعي لكي يتم الاستفادة من الشقق السكنية.


- أن يكون المتقدم لحجز وحدة سكنية من منخفضي الدخل، ولا يزيد صافي دخله السنوي من جميع مصادر دخله عن ٩٦ ألف جنيه سنويا للأسرة بما يعادل ٨ آلاف جنيه شهريا وعن ٧٢ ألف جنيه سنويا للأعزب بما يعادل ٦٠٠٠ جنيه شهريا.


الأوراق المطلوبة للحجز في الإعلان الـ16 لشقق الإسكان الاجتماعي 2022

1 - صورة من بطاقة الرقم القومي للمتقدم وزوجه.


2 - قسيمة الزواج وشهادة ميلاد الأولاد.


3 - مستندات إثبات الدخل ويكون الدخل المذكور هو صافي الدخل الشهري.


4 - إذا كان المتقدم متزوج عليه تقديم مفردات مرتب الزوجة، وإذا كانت لا تعمل يتم تقديم إقرار يفيد ذلك.


5 - إيصال مرافق حديث لمحل السكن الحالي «كهرباء أو غاز أو مياه».


6 - أي مستندات خاصة بمصادر الدخل الإضافية «عمل إضافي - الأملاك الزراعية أو العقارات أو الأراضى - معاش استثنائي أو خلافه - امتلاك أي سندات أو أسهم أو ودائع أو أي أوعية ادخارية أو حسابات التوفير».


7 - بالنسبة لأصحاب المهن والأعمال الحرة والأنشطة التجارية والحرفية، عليهم تقديم شهادة من محاسب قانوني معتمدة تبين صافى الدخل السنوي أو الشهري موضح بها مهنة المتقدم، وصورة من السجل التجاري أو البطاقة الضريبية لأصحاب المهن والأنشطة التجارية والحرفية.


8 - بالنسبة للأرامل والمطلقات وأصحاب المعاشات، عليهم تقديم طابعة معتمدة ببيانات المعاش من التأمينات بالنسبة للأرملة وأصحاب المعاشات، وصورة من مستند النفقة التي تتحصل عليها المطلقة


9- قيد عائلي ممكن للمتزوج - المطلقه - مطلق - أرمل- ارملة


10 - برنت تأمينات