ثانوي عام فني دبلومات كليات قمة من 50% منها اعلام وتمريض وتربية وغيرهم كتير

 كليات قمة من 50 % يغفل عنها طالب الثانوية العامة

لو انت طالب فى ثانوية عامة يبقى لازم تقرأ البوست ده كويس جداً عشان هاتندم لو ماركزتش فيه.

انت عندك امتحانات بعد امتحانات الثانوية العامة بيومين أو ثلاثة بالكتير اسمها امتحانات القدرات.

امتحانات القدرات دى سيادتك بتروح تسقط فيها عشان مابتكونش مذاكر المنهج بتاعها كويس.

والامتحانات دى مهمة جداً جداً وللأسف انت مابتعملش حسابها وكل تركيزك فى امتحانات الثانوية بس مع العلم إن امتحانات القدرات دى بتكون سفينة النجاه الوحيدة ليك لو جبت مجموع وحش فى الثانوية

--------------

الامتحانات دى بتكون فى الكليات دى : 

1- إعلام

2- فنون تطبيقية

3- فنون جميلة

4- فنون عمارة

5- تربية فنية

6- تربية نوعية

7- تمريض

8- سياحة وفنادق

9- تربية رياضية

ولسه فيه كليات جديدة الوزير هايضمها السنادى

—------------------

الكليات دى بتاخد من أول 50 % لحد 80% ولكن شرط عشان تدخلها تنجح فى امتحانات القدرات بتاعتها وطبعاً الكليات دى تبع نقابة المهندسين ونقابة الإعلاميين والصحفيين ومهندسى الديكور وهندسة التصميم الصناعى وممكن تدخلها بـ 50 % و 60% و 70% و 80% كحد أقصى.. متخيل ؟؟

—------------------

طيب إيه العمل عشان تعرف تنجح فى الامتحانات دى من غير ماتيجى على وقت مذاكرتك فى الثانوية لأنها مهمة جداً برده

العمل :

أولاً: إنك تبدأ تقرأ عن الامتحانات دى وتعرف أسئلتها والملازم بتاعتها وتاخد على الأقل محاضرتين مراجعة فى كل كلية من دول قبل ماتبدأ امتحانات الثانوية