علاقة ساخنة الجزء الثاني
للكاتبة يارا محمد
بعد ما دخلت بيت سعيد بية..وسمعت اصوات مخيفة
ساعتها حسيت بان في حاجة مش طبيعية بتحصل في البيت المخيف ده
فقررت اني اقوم امشي فورا.
لكن اول ما بداءت اقوم واستعد للخروج..
استوقفني صوت سعيد بيه صاحب البيت
قال.. ايه ؟انتي ماشية ولا ايه؟
قلت.. هو حضرتك سعيد بية الي ساعدت امي في انها تعمل العمليه؟
قال.. ايوه انا
قلت.. بجد انا مهما شكرت حضرتك مش هوفيك حقك
قال.. متقوليش كده يا امل ..وبعدين انا لسه معملتش معاكي حاجة.
في اللحظة دي اقترب مني سعيد بيه وهو يهمس في اذني قائلا
قال...انتي لو سمعتي كلامي ... وبقيتي مطيعة ليا.. ساعتها حياتك هتتغير
و( هطلعك السما).
بصراحة..انا قلبي اتقبض اول ما قرب ناحيتي وجسمي كلة انتابتة القشعريرة.
لكنني .. طبعا لم اظهر له ذلك الشعور بالتقذذ منه
قلت.. بصراحة انا كنت جايه النهاردة مخصوص عشان اشكر حضرتك
قال خلي الشكر لبعدين يا امل.. بعد ما نشتغل مع بعض.
وكنت عايزة اسالة عن طبيعة الشغلانة الي عايزني عشانها...لكن الصوت الي سمعته اول ما دخلت البيت ..بدء يصدر من اتجاه الغرفة المغلقة من جديد
مما جعلني اتوقف عن الكلام لاستمع لذلك الصوت المقلق.
لكن سعيد بيه اراد ان يرضي فضولي عندما شاهدني اركز مع ذلك الصوت
قال..ده احمد بيه اخويا
استغربت من كلامه ولم استوعب ما كان يقصده بجملة(ده احمد اخويا).
قلت مستوضحة ...افندم؟
قال..الصوت الي انتي سمعاه خارج من الغرفة ده
صوت احمد بيه ..اخويا
التزمت الصمت لاني مفهمتش حاجة من كلامة.
لقيت سعيد بيه هم واقفا واخذني من يدي ليذهب بي لتلك الغرفه التي يصدر منها الصوت..
وبدء يفتح الباب بالمفتاح..
وبعد ان فتح الباب..
اخذ المشهد يتضح بداخل الغرفة..
حيث ظهر بالحجرة ..اثاث يبدوا عليه انه فخم.. ولكنه مبعثر ..وغير مرتب .
ولكن اهم ما وقع نظري علية.. هو ذلك الشاب الذي يجلس علي السرير في اخر الغرفة وكان اخذا وضع القرفصاء.
وعندما شاهدنا ونحن نقف عند الباب ننظر الية
اخذ ينظر الينا نظرات عدائية.. وكانه كان رافضا دخول احد عنده.
وكان من الملاحظ من هذة النظرات العدائية .. انه لم يتبقي الا القليل ..ويقوم بالهجوم علينا..
فقد كان واضح انه يستعد للانقضاض علينا ليفتك بنا.
ولذلك اسرع سعيد بيه باغلاق الباب عليه بسرعة مرة اخري لنتركة بمفردة
وبعد رؤيتي لشقيقة.
اشار سليم بيه للغرفة التي اغلقها علي اخوة قائلا
قال ..هو ده الموضوع الي كنت عايزك عشانة يا امل.
قلت..معلش مش فاهمة حاجة
طلب مني سعيد بيه ان اذهب معه لحجرة مكتبة لنكمل حديثنا بينما نحن نحتسي القهوة.
وبعد ما دخلنا حجرة المكتب وجلسنا.. بدء سعيد بيه الحديث وتوضيح ما الذي يريدة مني بالظبط.
قال..اسمعي يا امل.
انا عارف ظروفك كويس اوي لاني متابعك من فترة كبيره .
واتمكنت في الفترة دي اني اعرف كل حاجة عنك وعن ظروفك وكمان عن اخلاقك وشخصيتك.. وعارف كمان اد ايه انتي اتعذبتي في حياتك واد ايه حياتك كانت قاسية
عشان كده يا امل.
انا قررت اعوضك عن سنين الحرمان الي عيشتيها كلها
و اخترتك كمان عشان اعمل معاكي صفقة العمر..
قلت..صفقة ؟
قال..ايوه صفقة ..عمرك ما كنتي تحلمي بيها
هتخليكي في مكان تاني خالص.
قلت ..معلش ممكن حضرتك تقولي انت عايز مني ايه بالظبط؟
قال.. عايزك تتجوزي اخويا احمد
قلت وانا اشير بيدي للغرفة المغلقة.. اخو حضرتك الي جوه ده؟
قال.. ايوه وفي مقابل جوازك من اخويا.. هتاخدي 2مليون جنية
بصراحة الرقم اصابني بصدمة..واندهاش.
قلت..بس اخو حضرتك يعني....
قال.. مريض عقليا صح؟
مش هو ده الي انتي عايزه تقوليه؟
قلت..الي اقصدة انه تعبان واعتقد ان الزواج مش هيفيدة في حاجة
قال..لا هيفيده وهيفيدني انا كمان معاه.
قلت.. معلش ممكن توضح اكتر
قال..انا هقولك كل حاجة عشان تفهمي الموضوع
واخذ سعيد يحكي قصتة هو واخوه احمد من الاول
قال.
ابويا الله يرحمة كان مليونير ..اتجوز امي وانجبني منها وبعدها بسنة اتوفت..وبعد كده ابويا تزوج مره اخري من امراة ثرية..انجب منها احمد .
لكن والدة احمد اتوفت هي الاخري بعد صراع مع المرض.. لكن قبل ما تتوفي..كتبت لأحمد جميع ما تملك.. واتنقلت ثروتها كلها لاخويا احمد.
ابويا مكنش ليه حد في الدنيا غيري انا واخويا احمد..
لكن احمد لما وصل لسن18 سنة اصابتة حالة نفسية وفضلت حالتة تدهور لغاية ما بقي زي منتي شايفة كده.
طبعا ابويا كان بيحافظ علي اموال احمد من ساعة ما والدتة اتوفت.. وكان ابويا هو الي متصرف في اموال احمد وبيشغلها له.
لكن من كام شهر ابويا عمل حادثة بسيارتة واتوفي
وبعد وفاة ابويا اكتشفت ان هو كمان كان كاتب ثلثين .. ما يملك لأحمد اخويا.
والثلث الباقي كاتب به وصية
والثلث ده لوحده.. يقدر بعشرة ملايين.
لكن المشكلة ان الوصية دي بتنص علي انه لا يجوز التصرف فيها الا بعد شفاء احمد وزواجة وانجابه لطفل
سالتة وانا اتعجب لغرابة الشرط الي في الوصية.
قلت.. وليه والد حضرتك حط الشرط ده في الوصيه
قال لأنه كان متعاطف مع حالة عمر وكان قلقان علي مستقبلة..وكمان عشان يجبرني اني اهتم بعلاج احمد وبمستقبلة وزواجة.
ثم استطرد سعيد بيه قائلا
قال.. تقدري تقولي ان دي الطريقة الي فكر بيها ابويا انه يساعد بيها احمد بعد وفاة ابويا نظرا لظروف احمد
واستطرد قائلا.
قال.. لكن مش دي المشكلة دلوقتي
لان في مشكلة اكبر
قلت..ايه هي المشكلة دي.
قال..انا وابويا نظرا لسمعة العيلة وشكلنا ادام الناس.. مكناش بنعرف حد بحالة احمد الصحية.. وكنا قافلين عليه الغرفة من ساعة ما تعب.
وكل الناس عارفة اني انا وأحمد ورثة ابويا الشرعيين..لكن محدش يعرف ان كل شيئ دلوقتي باسم عمر ما عدا ثلثي الوصية المشروطة ايضا بزواج احمد وانجابة لطفل.
قلت بردوا مش فاهمه فين المشكلة؟..
مهو حضرتك تقدر تعالجة وبعد شفاءة تستطيع ان تزوجة فتاه من ارقي طبقات المجتمع
قال..المشكلة.
ان احمد ممكن ميخفش او حالتة دي تطول في العلاج.. وهبقي ساعتها كل الي عملتة اني ..عرفت الناس بحالتة..وطبعا مستحيل اعرف حد حالتة دي.
قلت.. ليه مستحيل تعرف حد انه عنده اعاقة ذهنية؟
قال.. لانه ساعتها احمد هيبقي فاقد للاهلية... ومش هينفع يتجوز وبالتالي الوصية مش هتتنفذ وهتروح مني ثروة تقدر بعشرة ملايين جنية.
ده غير ميراثة من امة ومن ابويا كمان الي معرض انه يضيع هو كمان
لكن في حالة انه يتجوزك ساعتها الوضع هيختلف
قلت.. هيختلف ازاي؟
قال.. انا بالفلوس اقدر اقنع ماذون يجوزك انتي وأحمد واجيب قسيمة زواج من غير ما حد يعرف ان احمد مريض.. عقلي وساعتها هنبقي حققنا الشرط الاول في الوصية.
وده طبعا بعد ما هتاخدي 2مليون جنية مقابل انه يكون ده سر بينا.
وده كمان بخلاف اني هخلي احمد يعملي توكيل بادارة اموالة وشركاتة الاخري الي هو وارثها عن امه وعن ابويا كمان.
قلت..ايوه انا كده فهمت بس عندي سؤال
قال ..سؤال ايه.
قلت ..انا لما اتجوز احمد بيه هتبقي مشكلة واحده هي الي اتحلت وهي مشكلة زواجة..لكن باقي شرط الوصية ..هو انه يخلف.. تقدر تقولي دي هتعملها ازاي دي ؟
قال.. هقولك..بس لازم تتفهمي وتقدري الموقف الي احنا فيه وتمسكي اعصابك من الي هقولة ده
قلت... قول
قال.. للاسف احنا هنضطر انك........