قصة انتقام أثم - طلبة جامعية وقصة حب عفوية وانتقام آثم #الفصل_٢
الفصل الثاني
بعد مرور إسبوع..
استلقت ملك التي تغطي الجروح و الكدمات جسدها و وجهها على الفراش في المشفى الذي نقلت اليه بعد ان نجت بأعجوبه من حادث السياره الذي دبره لها زوجها وذلك بعد ان قفزت من السياره التي كانت تقودها قبل انقلابها الكارثي بثواني
لتستمع بتعب الى نعمات زوجة والدها المتوفي والتي مازالت تتمتع بمسحه من الجمال زال بفعل الفقر والحاجه وهي تقول بغضب
= إرتحتي..كل شويه تحاولي تهربي منه و تقولي بيضربني ويعذبني وكنتي عاوزه تتطلقي منه.. أهو مات وسابلك الدنيا كلها والقرشين اللي كنا بناخدهم على حس جوازك منه ضاعوا هما كمان
تجاهلت ملك صياح زوجة والدها الغاضب وهي تسمعها تتابع بغضب
=اللي يغيظ اكتر انه طلع مفلس ميملكش حاجه كل الفلوس و الارض والخير الي كان زذاللنا بيه ملك ابن عمه قاسم اللي كان بيصرف عليه و علينا واحنا منعرفش..
لتجلس بغضب وهي تتتابع بحسره
=يعني مفيش حتى ورث هتورثيه منه وكده يبقى خسرنا كل حاجه وخرجنا من المولد بلا حمص
لتتابع وهي تتأمل ابنة زوجها الراحل بغضب
=طول عمرك فقريه و نحس ومش وش نعمه قعدتي تتبطري على النعمه اللي كنت فيها لحد مازالت من وشك وأنا الي قلت خلاص هنودع الفقر ونقب على وش الدنيا بس المنحوس منحوس
لتتابع بحسره غاضبه
=وشكل أهله هما كمان زي ما يكون ماصدقوا رموكي هنا و من يوم الحادثه مسئلوش عنك
لتتابع بغيظ
=دا انا حتى روحت أعزيهم في جوزك طردوني ورفضوا يدخلوني الفيلا زي ما يكونوا مستعريين مننا بس برضه مش هسيبهم قبل ما ناخد حقنا منهم حتى لو كان جوزك ميملكش حاجه فهما عندهم كتير ويقدروا يراضوكي بأي حاجه
نعمات باستنكار غاضب
=انتي ساكته ومبترديش عليا ليه.. ايه هفضل أكلم نفسي كده كتير
ملك بتعب
=عاوزاني أقولك إيه !!
نعمات بغضب
=عوزاكي تقوليلي هنعمل ايه في مصيبة موت جوزك وخروجك من الجوازه الفقر دي من غير ولا مليم
تساقطت دموع ملك بتعب
=انا مش عاوزه حاجه منهم انا عاوزه امشي واسيب البلد دي كلها وانسى كل اللي حصلي فيها
وقفت نعمات وهي تصيح باستنكار
=نعم تمشي ..تمشي تروحي فين .. ويعني ايه مش عاوزه حاجه ..ده حقك ولا يمكن نتنازل عنه
ملك بغضب
=انا مليش حقوق وانتي عارفه كده كويس ..هو اشتراني منك ودفع تمني وانتي بعتي وقبضتي التمن يبقى عاوزه ايه تاني
نعمات باستنكار
=ايه الكلام الفارغ الي بتقوليه ده بعتك دا إيه .. دانا جوزتك جوازه متحلميش بيها جوزتك لابن اكبر عيله في البلد يبقى بعتك ازاي فهميني +
انتفضت ملك بغضب
=انتي جوزتيني غصب عني لواحد مريض سادي متعته الوحيده انه يعذب فيا ليل ونهار ضرب واهانه وتعذيب ومنع من النوم والاكل مجنون بيضربني ويعذبني وبعديها يعاشر ستات قذره قدام عيني علشان يثبت رجولته
نعمات بارتياب
=يعني ايه يثبت رجولته؟! هو مش....أقصد يعني...
ملك وهي تضحك بسخريه مؤلمه
=لاء ملمسنيش انا لسه بنت زي ما أنا اصله كان بيقرف مني وبيقول ازاي يلمس خدامه اشتراها علشان متعته ..متعته الي هي تعذيبي ..
نعمات بعدم تصديق
=ملمسكيش إزاي وانتي كنتي حامل شهرين وسقطي ..
ملك بتعب
=كذب ..كله كان كذب
نعمات بعدم تصديق
=كذب ازاي دي البلد كلها كانت عارفه انك حامل وكامله هانم دبحت عجلين و وزعتهم على اهل البلد من كتر فرحها بحاملك
ملك بغضب
=مش عاوزه تصدقيني ليه قلتلك كل ده كان كذب بيغطي بيه هو وكامله هانم على قذرته وساديته واجرامه قدام عيلته ...
=إخرسي قطع لسانك...
إلتفتت ملك وزوجة والدها على صوت كامله هانم الغاضب
وقفت نعمات سريعا وهي تقول بارتباك
=كامله هانم ....أهلا وسهلا إتفضلي
اندفعت كامله هانم بغضب للداخل والتي تتمتع بملامح وجه ارستقراطيه حاده و ترتدي ثوب حداد طويل أنيق أسود اللون وتلف رأسها بحجاب طويل أسود وهي تقول بغضب شديد
=عارفه لو سمعتك بتقولي كده تاني ولا حد خد خبر بالكلام الفارغ الي بتقوليه ده هنسفك من على وش الدنيا واعملك عبره لكل الكلاب اللي زيك اللي بيتطاولوا على اسيادهم من غير خشا ولا حيا..
نعمات بارتباك
=معلش يا كامله هانم هي متقصدش الظاهر الحادثه وصدمة موت سامح بيه أثرت على عقلها وخلتها تقول الكلام الفارغ ده
وقفت كامله امام ملك الصامته وهي تقول بتكبر وغضب
=سيرة ابني سامح بيه الانصاري الله يرحمه متجيش على لسانك الا بكل خير والكلام بتاع ملمسنيش مكنش راجل بيعذبني سادي كل الكلام الفارغ اللي سمعته منك ده تنسيه وتمحيه من ذاكرتك خالص والا متلوميش غير نفسك
وقفت ملك امامها تقاوم ضعفها وهي تقول بتحدي
=يعني هتعملي ايه اكتر من اللي جرالي على ايدك انتي و ابنك
كامله هانم بغضب
=هعمل كتير ..وأظن أخر مره جيتي تشتكيلي منه وتعيطي وتهددي انك هتحكي لجده من اللي بيعمله فيكي ...أظن إنتي عارفه حصلك إيه
ملك بارتعاش
=متقدريش تعملي فيا حاجه سامح اللي كنتي بتهدديني بيه مات خلاص ..وربنا نجاني منه ومن جنونه و من تعذيبه فيا
كامله هانم بغضب
=اخرسي و انسي الكلام الفارغ االي بتقوليه ده و اعرفي ان دي اخر مره هسمحلك تقولي الكلام الفارغ ده قدامي ونصيحه اعرفي انتي بتتكلمي مع مين كويس ..
ملك بتحدي..
=لا انا عارفه انا بكلم مين كويسبكلم كامله هانم اللي خلت ابنها ياخدني في فيلا مهجوره في الصحرا وخليته يعذب فيا شهر كامل و هي عارفه انه كان ناوي يقتلني علشان خايفه اني اتكلم وافضحه و هي هنا بتنشر في البلد اني حامل منه وسقطت علشان تكذبني لو كنت اتجرئت و حكيت لحد مش كده
احتقن وجه كامله هانم وهي تقول بغضب
=اللي فات مات وسمعة ابني والعيله اهم من حتة فلاحه متسواش ذيك
لتتابع بقوه وهي تتأمل وجه ملك الشاحب
=اسمعيني كويس وافهمي كويس انا بقول ايه لان اي غلط منك معناها انك بتنهي حياتك بإيدك
شهقت نعمات بخوف وهي ترى النظره الناريه المصممه المرتسمه على ملامح وجه كامله هانم
في حين تجاهلتها كامله هانم وهي تقول بقسوه
=اوعي تفتكري انك هتبتزيني وتحاولي تكسبي فلوس مني بالكلام الفارغ الي بتقوليه
... الكلام ده لو حد تاني سمعه منك او خرج بره الاوضه دي معناه حاجه واحده انك حكمتي على نفسك بالسجن ولسنين طويله
لتتابع بشماته
=اظن انتي عارفه ان ابني سامح بيه الله يرحمه كان ممضيكي على ورق كتير وايصالات امانه على بياض علشان يضمن سكوتك وانتي طبعا افتكرتي ان الورق ده ضاع وخلصتي منه بموته
لتتابع بقسوه
=بس اللي متعرفيهوش ان الورق ده عندي وتحت ايدي ولو اتجرأتي و اتكلمتي مره تانيه وقلتي الكلام الفارغ ده او حد خد خبر بيه ..من بكره الصبح الورق وايصالات الامانه هتتقدم للنيابه واضمنلك انك هتعيشي وتموتي وانتي في السجن
ملك بوجه شاحب وهي تبكي
=انتي عاوزه مني ايه حرام عليكي.. الورق و ايصالات الامانه دول انا مضيت عليهم غصب عني..مضيت عليهم وهو بيعذبني من كتر خوفي منه كنت بمضي على اي حاجه علشان يرحمني ويسيبني حرام عليكي كفايه العذاب والهوان اللي شوفته على ايد ابنك انا مش هتكلم ومش عاوزه منكم حاجه بس ارحموني و سيبوني في حالي
كامله هانم باحتقار
=انتي مش بس هتسكتي انتي هتختفي من هنا وللابد يعني مشوفش وشك تاني في البلد تغوري من هنا خالص
نعمات وهي تشهق باعتراض
=تسيب البلد وتروح فين يا هانم احنا طول عمرنا عايشين هنا وملناش مكان تاني يئوينا ولا نعيش فيه
كامله بقسوه
=تروح في ستين داهيه المهم مشوفش وشها هنا تاني والا هتبقى هي اللي جنت على نفسها وياريت تفتكري انك انتي كمان ماضيه على ايصالات امانه وعلى بياض قصاد الفلوس اللي كنت بتاخديها من سامح ابني الله يرحمه يعني انتي كمان هتحصليها على السجن لو كلامي متنفذش اظن كلامي مفهوم ..
نعمات بخوف
=مفهوم يا هانم .. بس انا مليش دخل باللي بينكم هي حياله تبقى بنت جوزي الله يرحمه يبقى حرام اتاخد بذنبها واتطرد من بيتي
لتنحني فجأه على يد كامله هانم وهي تقبلها باستعطاف وذل
=ابوس ايدك باهانم وغلاوة المرحوم سامح بيه تسيبيني ارجع بيتي بلاش تطرديني منه
كامله هانم وهي تسحب يدها بقسوه وتجبر
=السواق مستنيكم بره هياخدكم يوصلكم بره البلد عند محطة القطر ومن هناك تركبوا القطر للمكان الاي تختاروه المهم مشفش وشكم هنا تاني
نعمات باعتراض و بكاء
=وهدومنا وحاجتنا اللي في البيت احنا ممعناش هنا حاجه خالص دي حتى ملك معندهاش هدوم هنا مفيش غير الفستان اللي كانت لابساه وقت الحادثه
وده فستان مكشوف ومينفعش تمشي بيه
كامله وهي تتجاهل حديثها بقسوه
=مش عاوزه رغي كتير واحمدوا ربنا اني مش عاوزه فضايح والا كان زمانكم مرميين في السجن قدامكم خمس دقايق و تكونوا جاهزين ..انا مستنياكم بره
لتتجاهلهم وتخرج من الغرفه بخطوات قويه والدموع تنساب بقوه وصمت على وجه ملك في حين توجهت نعمات بسرعه الى خزانة الثياب تخرج ثوب السهره الذي كانت ترتديه ملك وقت الحادثه وهي تندب بخوف
=أخرتها اطرد من حتة البيت اللي متاويني علشان واحده مش وش نعمه زيك
لتلكزها في ذراعها بقسوه
=البسي يا وش الفقر بسرعه خلينا نمشي من هنا قبل ما ترجع في كلامها دي وليه قادره وممكن تنفذ تهديدها
تناولت ملك منها الثوب المكشوف بقهر و بدئت في ارتدائه على الرغم من تقززها منه فهو يذكرها بكل ذكرياتها السيئه مع زوجها الراحل الا ان قرب خلاصها ورحيلها عن المكان هون عليها ارتدائه
لتنتهي سريعا من ارتدائه وزوجة والدها تتأمل الفستان المكشوف بغيظ وخوف
=هتركبي القطر كده ازاي استر يارب
تجاهلت ملك حديثها وهي تخرج بصحبتها لخارج المشفى وهي تتلفت حولها بتوتر حتى وجدت كامله هانم تقف بجانب السياره وتشير بيدها بكبرياء لسياره اخرى وهي تقول بتجبر و تحذير
السواق هيوصلكم للقطر ومشوفش وشكم هنا تاني وإلا انتم اللي هتبقوا جنيتم على نفسكم .. اظن مفهوم
نعمات بقهر وهي تجزب ملك للسياره
=اللي تشوفيه ياهانم اللي تأمري بيه هيتنفذ
ثم قامت بفتح باب السياره المتوففه بجانبها والجلوس في المقعد الخلفي وبجانبها ملك التي جلست بهدوء وهي تشعر بالراحه لقرب تحررها من ماضيها الاليم...
وتمر الدقائق سريعا وتجد نفسها تجلس في القطار الخالي من الركاب بجانب زوجة والدها التي لم تصمت دقيقه واحده مابين سبها لملك ودعائها على كامله هانم في حين تجلس هي بهدوء تنظر من النافذه وهي تشعر بالسعاده المشوبه بالحزن فعلى الرغم من طردها بطريقه مذله وعدم وجود مكان يئويها او مال تستطيع الانفاق منه على نفسها وعلى زوجة والدها الا انها تشعر بالسعاده لقرب استعادتها لحريتها
تنهدت ملك براحه و هي تشعر بالقطار يتوقف و تحركت سريعا وهي تنزل منه بسعاده وتتأمل المكان من حولها بفضول فهي لا تعرف حتى اسم المدينه التي تتواجد بها
نعمات وهي تتلفت حولها بخوف
=الدنيا ليلت هنروح فين دلوقتي
لتتابع بقلق
=الفستان اللي انتي لابساه ده مكشوف اوي والشباب اللي هناك دول بيبصوا علينا جامد ..أستر يارب
نظرت ملك لفستانها بقلق لتدرك للمره الاولى ان الفستان الاحمر الضيق والقصير الذي ترتديه يكشف عن جسدها بطريقه مبتزله تجعلها اقرب في شكلها لبائعات الهوى
ملك بخوف
=وهي ترى اقتراب مجموعه من الشباب الصاخب منها وهم ينظرون اليها بطريقه مقززه
=تعالي نخرج من هنا بسرعه دول شكلهم جايين علينا
لتتفاجأ بزوجة والدها تبعد عنها بعنف بعد ان دفعها احدهم بعيدا عنها في حين التف ثلاثة شباب من حولها يتلمسون جسدها بطريقه مقززه وهي تحاول الهرب بخوف من بين أيديهم
لتستمع لاحدهم يقول باستمتاع
=متخافيش ياقطه تعالي معانا دا احنا هنبسطك واللي هتطلبيه هتاخديه
لتتزايد جرأتهم في تحسس جسدها وهي تصرخ و تقاوم وهي تحاول الهروب منهم
حتى اوشكت على فقد الوعي من شدة مقاومتهم الا ان ولحسن حظها تصادف مرور دوريه للشرطه استطاعت انقاذها من بين أيديهم لتجد نفسها تقف في قسم شرطه صغير والشرطي المسئول يقوم باستجوابها
الشرطي باستنكار
=هو في واحده محترمه تمشي بفستان مكشوف بالشكل ده وبليل الا لو كانت بتصطاد زبون انطقي ياروح امك و اعترفي احسنلك انتي كنتي بتصطادي زبون واختلفتم على السعر وعلشان كده اتخانقتم وكنتي بتصوتي
انهمرت الدموع من عيون ملك تغمر وجهها وهي تقول بخوف
=ابدا محصلش انا معملتش حاجه دول هما اللي حاولوا يعتدو عليا وانا كنت بحاول ابعدهم عني
تجاهلها الشرطي بعدم تصديق وهو ينظر لزوجة والدها التي تبكي هي الاخرى برعب
=وانتي بقى تبقي اللي مسراحاها مش كده؟
نعمات برعب
=مسراحاها يعني ايه يابيه انا معملتش حاجه دول هما اللي حاولوا يخطفوا بنت جوزي احنا ناس محترمين وعمرنا ما عملنا حاجه غلط
الشرطي بسخريه
=محترمين ماهو باين عليكم ..عموما بكره الصبح هتتعرضوا على النيابه وهناك ابقو قولوا اللي انتوا عاوزينه..خدهم يا عسكري على التخشيبه
شهقت ملك وهي تبكي برعب في حين صرخت زوجة والدها وهي تضرب صدرها بخوف
=تخشيبه ونيابه يا نهار اسود ..لا مبدهاش بقى بص يا بيه اللي واقفه قدامك دي تبقى مرات سامح بيه الانصاري الله يرحمه يعني استحاله تعمل اللي انت بتقول عليه
صرخت ملك بقوه
=اسكتي يا خالتي ..اسكتي ..متسمعش كلامها انا مقربش حاجه لعيلة الانصاري وعاوزه اتحول للنيابه ويتحقق معايا
الشرطي بقسوه
=اخرسي خالص ومسمعش صوتك خلينا نسمع قريبتك دي هتقول ايه
ثم تابع بسخريه وهو يجلس خلف مكتبه
=ويطلع مين بقى سامح بيه الانصاري ده ..ايه هو ده اللي مسرحكم
نعمات بخوف
=مسرحنا ايه يابيه.. سامح بيه الله يرحمه ابن عيلة الانصاري بتوع مصانع الحديد والصلب اكيد حضرتك تسمع عنهم
الشرطي بسخريه
=عيلة الانصاري بتوع الحديد والصلب مره واحده .. بقى انتي عاوزه تفهميني ان البت دي تقرب لعيلة الانصاري
ملك بعنف
=دي كذابه متصدقهاش
نعمات باستنكار
= انا كذابه برضه دي اخرتها بس هقول ايه طالعه ناقصه لابوكي
ضرب الشرطي على مكتبه بعنف ليسكتهم وهو يقول بقسوه
=مش عاوز اسمع نفس واحده فيكم ..ايه هتتخانقوا قدامي ولا ايه..
لتضيق عينيه وهو ينظر لنعمات وقد اشتعل فضوله
=انا هعمل نفسي مصدقك .. التليفون قدامك اهو اتصلي بحد فيهم يجي يأكد كلامك
اقتربت نعمات من الهاتف بتردد وهي تقول بخوف
=انا هتصل بتليفون القصر هو ده
التليفون الوحيد اللي حافظه نمرته
تعالى بكاء ملك وهي تقول بيأس
=علشان خاطري متتصليش بيهم السجن عندي ارحم
تجاهلتها نعمات وهي تقوم بطلب الرقم وانتظرت قليلا بتوتر حتى تلقت رد من الطرف الاخر
تناول الشرطي الهاتف منها بتعجب و هو يتكلم مع الطرف الاخر حتى انتهت المكالمه والشرطي ينظر لها بدهشه وفضول ثم إتجه اليها وقادها باحترام لاحد المقاعد لتجلس عليه وهي شبه منهاره
والضابط يقول باحترام شديد
=اتفضلي اقعدي ياهانم انا اسف جدا على كل اللي حصل انا اتكلمت مع الانصاري بيه شخصيا وهيبعت حد ياخد حضرتك احنا اسفين جدا على اللي حصل
شهقت ملك بخوف وجلست وهي تشعر بالدوار يلف رأسها وهي تقول بضعف
=حرام عليكي اتصلتي بيهم ليه
نعمات وهي تبتلع ريقها بخوف وتتخيل رد فعل كامله هانم عندما تعلم باتصالها بالقصر
=أهو اللي حصل .. يعني كنت عوزاني اسكت واحنا كنا هنتسجن في قضية اداب
بعد مرور اكثر من ساعتين وبعد حضور المحامي الخاص بعائلة الانصاري الذي قام باخراجها من قسم الشرطه بعد ان انهى كل الاجرائات القانونيه
ملك بارتباك وهي تقف خارج قسم الشرطه
=انا متشكره يا أستاذ رؤف على تعبك معايا
لتتابع بارتياح
=انا هاخد خالتي نعمات وهنمشي من هنا ومتشكره على تعب حضرتك
المحامي باحترام
=اسف يا ملك هانم بس التعليمات الي عندي انك المفروض ترجعي معايا للقصر
ملك وقد استولى عليها الغضب ولم تلاحظ اقتراب سياره سوداء فخمه من مكان وقوفهم وفتح بابها الخلفي
=تعليمات!! ...تعليمات من مين.. يكون في علمك انا همشي من هنا و مش هروح معاك في اي حته..
لتشهق فجأه بخوف وهي تشعر بيد قويه تجذبها للخلف بعنف وتجد نفسها ملقاه على مقعد خلفي لسياره لا تعرفها و انطلاق السياره سريعا لتنتفض وهي تحاول الاعتدال ومقاومة الشخص الجالس بجانبها وهو يحاول السيطره عليها وابقائها بداخل السياره و هي تقاومه بعنف وخوف حتى خارت قوتها و اضطرت للاستكانه بهدوء وهي تشعر انها في حرب خاسره بعد ان استطاع السيطره عليها بسهوله
رفعت ملك عينيها في ظلمة السياره بخوف لترى بصعوبه عينين سودوان شديدتا الحده تتأملها بسخريه
وهو يقول بتهكم
=ايه بتقاومي و مش عاوزه ترجعي القصر ليه مش ده القصر اللي مكنتيش تحلمي تمري من قدام بوابته و اللي خططتي علشان تدخليه و رسمتي على سامح الله يرحمه الحب علشان تبقي ملك هانم بعد ما كنتي حتة بياعه في محل متساويش
لتسمعه يتابع بتهكم اكبر
=ولا خلاص دلوقتي مبقتيش محتاجه القصر و عاوزه تهربي منه وتتمتعي بالفلوس اللي خدتيها بالغش والخداع من سامح الله يرحمه
ملك وهي تحاول تحرير يدها بغضب منه
=اهرب ايه وفلوس وقصر ايه اللي بتتكلم عنهم..انت مين وعاوز مني ايه ؟!!
الصوت بسخريه
=ايه لسه مش عرفاني طبعا معاكي حق احنا متقبلناش قبل كده غير لمره واحده ولدقايق قليله +
لتشعر به يعتدل في جلسته وهو يقول بتهكم
=اسمحيلي اعرفك بنفسي ..انا قاسم الانصاري ابن عم جوزك و اللي هيدفعك تمن كل لحظة وجع وألم اتسببتي فيها لسامح الله يرحمه
#الفصل_٣
الفصل الثالث
شهقت ملك وهي تهمس بخوف
=قاسم ...!!!!
شعرت بموجه من الخوف والرعب تجتاحها وهي تصرخ وتحاول فتح باب السياره المغلق اتوماتيكيا
=انت عاوز مني ايه ..افتح الباب ده ..افتحه احسنلك
مدد قاسم ساقيه امامه براحه داخل السياره وهو يتجاهل صراخها ببرود ويقول بسخريه
=ياااه ..عنيفه أوي وأنا بخاف بسهوله اهدي كده و وفري طاقتك لانك اكيد هتحتاجيها بلاش تضيعي مجهودك في مقاومه ملهاش لازمه فياريت تهدي وتعرفي انك مش هتخرجي من هنا الا بأمري
ملك برعب
=يعني ايه مش هخرج من هنا الا بأمرك..انت عاوز مني إيه ؟
قاسم ببرود متهكم
=مستعجله تعرفي انا عاوز منك ايه ليه كله في اوانه متستعجليش
ليعتدل فجأه في جلسته وهو يقول بحده قاطعه
=اللي لازم تعرفيه دلوقتي وتنفذيه ومن غير نقاش انك هتيجي معايا القصر تغيري لبس العاهرات اللي انتي لابساه ده وتلبسي لبس يليق بزوجة سامح بيه الانصاري وتتصرفي باحترام يليق باسمه زيك زي اي واحده محترمه جوزها لسه مكملش اسبوع على وفاته
ليتابع ببرود وهو يتأمل ملامحها المصدومه
=وتاخدي عزاه وتمثلي الحزن قدام الناس واظن التمثيل مش صعب على اللي زيك
ملك وقد تملكها الغضب الذي يغذيه خوفها وهي ترى دخولهم من بوابة القصر الضخمه واقترابهم من باب القصر الداخلي
لتنتفض برعب وهي تحاول الاستنجاد بسائق السياره وهي تدق بعنف على الزجاج الاسود الذي يفصلها عنه ويحجب رؤيتها ورؤية ما يدور في السياره عن أعين السائق لتستمر في الدق بعنف على الزجاج الفاصل دون ان تتلقى رد حتى يأست من ان يجيبها احد وهي تصرخ و تقول بهستيريه
=انا مش داخله القصر ده تاني ومش هاخد عزا حد واحسنلك تنزلني بدل ما اصوت واعملكم فضيحه قدام الناس دي كلها
تابع قاسم ردود افعالها الهيستيريه باستمتاع قبل ان يقول ببرود قاطع
=اخرسي واللي اقول عليه تنفذيه من غير نقاش واحمدي ربنا اني مسيطر على اعصابي وسايبك لحد دلوقتي على وش الدنيا
ليلقي في وجهها باحتقار فستان اسود انيق وهو يتابع بقسوه
البسي ده بسرعه قبل ما حد يشوف الزباله اللي انتي لابساها
=ملك بعناد وهي تتابع تقدم السياره
لداخل حديقة القصر بخوف
=مش هلبس حاجه وهاصوت واعملكم فضيحه هنا
لتندفع فجأه تحاول فتح باب السياره المغلق اوتوماتيكيا وقد استولى عليها رعبها وهي تحاول الصراخ بصوت عالي في محاوله منها لتسبب في فضيحه تجعله يتركها تغادر القصر دون رجعه الا انها تفاجأت بيد قاسم تجذبها للخلف بقوه حتى اختل توازنها واستلقت بعنف على قدميه لترتجف بصدمه و هي تشعر بيده تتحسس عنقها برقه وهي تحاول ابعاد يده بعنف عنها
ملك بصدمه
=انت بتعمل ايه..انت اتجننت
قاسم بسخريه وهو يضغط على الشريان الرئيسي في عنقها باصبعيه
بطريقه خبيره جعلتها تفقد الوعي فورا
=ابدا بفصل الكهربا عنك كفايه عليكي اوي لحد كده 4
غرقت ملك فورا في غيبوبه تامه واستلقت للحظات بين يدي قاسم فاقدة الوعي وهو يتأمل ملامح وجهها الملائكيه بكراهيه
قاسم باحتقار وكراهيه
=كان ليه حق سامح يتخدع فيكي ..
الشكل شكل ملاك والحقيقه شيطانه جشعه سحرته بجمالها و دور الملاك اللي رسمته عليه وابتزته لحد ما اتسببت في موته..
ليتابع بقسوه مميته..
=بس ورحمة سامح وحق كل لحظه اتسببتي فيها في جرحه وألمه لحد
ما مات وهو مزلول ليكي و بيشحت حبك ورضاكي عنه لهدفعك تمن كل اللي عملتيه فيه اضعاف مضاعفه وهشربك من نفس الكاس اللي شرب منه و الموت اللي رحمه منك مش هيرحمك مني..
ليبدء في خلع الثوب الذي ترتديه بقسوه و هو يحاول وضع ثوب الحداد المحتشم عليها ويحيد بنظره بعيدا عنها حتى لا تقع عيناه على جسدها الغض شبه العاري الا انه فشل اكثر من مره بتوتر حتى نجح اخيرا في وضع الثوب عليها
ليشعر بالغضب يستولي عليه وهو يتأمل سكونها بين يديه
=جرى ايه يا قاسم هي اول مره تشوف واحده عريانه ..فوق لنفسك 10
ثم تنهد بقوه وغضب وهو يقوم بحملها بين ذذراعيه ويخرج بها من السياره الى داخل القصر تحت انظار النساء الفضوليه التي حضرت لقضاء واجب العزاء والممتلئه بهم أروقة بهو القصر
قاسم بصوت قوي حرص على ان يصل لجميع الموجودين
=معلش مرات المرحوم سامح اصرت تخرج من المستشفى علشان تاخد عزاه بنفسها بس زي ما انتم شايفين انهارت ومتحملتش فانا هدخلها ترتاح في اوضتها لحد ماتفوق وتقدر تنزل لكم
تعالت الهمهمات الكلمات المواسيه وهو يصعد بها للاعلى في حين انتفضت كامله هانم بصدمه وغضب وهي تتابع صعود قاسم للاعلى وهو يحمل ملك بين يديه
لتصدر صوت هامس كالفحيح وهي تقول بغضب اعمى وهي تنهض بقسوه وتتابع صعود قاسم للاعلى وهو يحمل ملك بين زراعيه
=ايه اللي رجعها تاني هنا ..يبقى هي اللي جت لقضاها..
...
صعد قاسم الى الغرفه التي كانت تحتلها ملك و سامح في المرات القليله التي زارو فيها القصر
ووضعها باهمال على الفراش وهو يتأملها للحظات بكراهيه قبل ان يجلس على طرف الفراش وهو يمرر يده ببرود على عنقها ثم يضغط على شريانها بطريقه خبيره جعلتها تبدء في استعادة وعيها
حركت ملك رأسها قليلا وهي تحاول فتح عينيها بضعف فخيل اليها للحظه ان زوجها مازال على قيد الحياه و يجلس بجانبها على الفراش لتندفع هاربه و هي مازالت بين النوم و اليقظه لتقع ارضا وتحاول النهوض ثم تقع مره اخرى وهي تقاوم ضعفها وتصرخ برعب و تحاول الفرار
صدم قاسم من ردة فعلها الهيستيريه واندفع خلفها يحاول السيطره عليها
وهو يسحبها للخلف ويضع يده على فمها يكتم صرخاتها التي تعالت بهيستريه
قاسم بغضب
=اخرسي هتفضحينا ايه اللي بتعمليه ده ايه هتعمليلي فيها مجنونه..
حاولت ملك التخلص برعب من يده التي تطوقها من الخلف بقوه وتمنع فرارها وهي تهز رأسها بعنف تحاول فك يده من على فمها وعقلها مازال يعتقد ان من يطوقها هو سامح زوجها وفي طريقه لتعذيبها بطريقه بشعه من طرقه المتعدده
لتقوم فجأه بقضم يده التي يضعها على فمها بعنف حتى يتركها
قاسم بغضب
=انتي بتعضي كمان وعملالي فيها مجنونه طيب تعالي انا هرجعلك عقلك
ليحملها بعنف فوق كتفه وهو يطوقها بقوه جعلتها لا تستطيع الفكاك منه ..
وهي تشهق برعب بعد ان شعرت بارتفاعها عن الارض ورأسها مقلوب رأسا على عقب لتشهق بغضب بعد ان وجدت نفسها تلقى بعنف بداخل حوض الاستحمام والمياه تندفع بشده فوق رأسها وتغمرها بقوه
لتحاول النهوض بعنف وهي تحاول التنفس فلا تستطيع الا ان يد قويه ثبتتها وهو يقول بصوت بارد قوي
=اهدي ...خدي نفس عميق وحاولي تهدي .. 1
نظرت ملك اليه بحيره و خوف وتنفسها الطبيعي وتعقلها يعودان اليها ببطء وهي تدرك اخيرا ان من يقف امامها هو قاسم ابن عم زوجها وليس زوجها المتوفي
ارتعشت ملك بغضب وهي وتشير لنفسها
=انت اتجننت ازاي تعمل فيا كده
قاسم ببرود
= عملت ايه..
ملك بغضب وهي تحاول ان تتنفس
=غرقتني بالمايه في حد عاقل يعمل كده
قاسم بتهكم ساخر
= عقل... وانتي خليتي فيها عقل
ثم تابع بتهكم اكبر
=وبعدين خايفه من المايه ليه ايه خايفه تنضفي ..متخافيش اللي زيك ولا ميا المحيط كله ممكن تنضفها
نهضت ملك بعنف وهي غارقه بالماء تحاول مهاجمته وهي تصرخ
=انت قليل الاداب... اااه
لتصرخ فجأه وقد زلت قدمها وهي تحاول التمسك باي شئ قبل ان تندفع للخلف وتقع بعنف في حوض الاستحمام الا ان يد قاسم كانت اسرع وهو يميل عليها بسرعه شديده يتلقى رأسها على ساعده القوي و يحمي رأسها من الاصطدام بقوه بحافة حوض الاستحمام
اغلقت ملك عينيها بخوف وهي تتنفس بعنف وتتمسك بقميص قاسم بقوه
لتفتح عينيها ببطئ وخوف فتطالعها عين قاسم السوداء شديدة الجاذبيه وهي تنظر لها بقلق لتمتد لحظات الصمت بينهم وهي غارقه في جاذبيتهم الشديده ..
حتى قاطع تأملها صوت قاسم الساخر
شوفتي القدر كنتي هتموتي واحنا بنحاول ننضفك بس للاسف مفيش فايده القذر هيفضل طول عمره قذر مهما حاولنا ننضف فيه
تخلصت ملك من يديه بعنف وهي تميل للخلف وتقول بعنف وقد فاض بها
=انا انضف منك ومن عيلة الانصاري كلها
اقترب منها قاسم بقسوه وهي مازالت تجلس في حوض الاستحمام والمياه تغمرها و تنهمر عليها
=بتقولي ايه...
شعرت ملك بالرعب يجتاحها وهي تنكمش بخوف حول نفسها و تحمي وجهها بيدها برعب وقد تخيلت انه سيقوم بالاعتداء عليها
توقف قاسم فجأه وهو يراقب رد فعلها بدهشه
قاسم بصوت قوي غاضب وهو يفك يدها من حولها بقوه
=انتي اتجننتي فكراني هضربك ..
رفعت ملك وجهها اليه بحيره وخوف وهو يتابع بكبرياء
=مش قاسم الانصاري اللي يضرب واحده ست ياريت تفرقي بين المستنقع اللي اتربيتي فيه و بين عيشتك هنا
نظرت ملك له بدهشه وهي تستوعب كلماته المهينه لتنتفض واقفه بغضب وهي تصرخ والماء يقطر منها وهي تدفعه في صدره بعنف
وتقول بكراهيه شديده
=البيت اللي اتربيت فيه و اللي انت بتسميه مستنقع عمر ماحد فيه مد ايده عليا المستنقع الحقيقي هو القصر ده اللي بكره كل ركن فيه وبكرهكم كلكم بكره سامح جوزي ولو رجع للحياه تاني هقتله بايدي الف مره وبكره امه اللي زي الحيه وبكرهك بكل غرورك وتسلطك وانت واقف تحاسبني بكل جبروت من غير ماتعرف عني حاجه ولو في ايدي اني اقتلكم كلكم هعمل كده هقتلكم وقتلكم وقتلكم فاهم
قاسم وهو يمط شفتيه باستخفاف و يزيح يدها بسخريه وبرود
بتكرهينا وعاوزه تقتلينا تصدقي خفت.. ياريت تخففي دراما شويه وتعرفي انتي بتتكلمي مع مين
ليستدير خارجا وهو يقول بصرامه
=غيري هدومك وانزلي للمعزيين تحت خدي عزى جوزك زي اي ست محترمه وبلاش كلام فارغ ودراما زايده
ملك بتصميم قوي وقد سيطر عليها شعور قاتل بانها مقيده ومسجونه مره اخرى دون رغباتها
=يكون في علمك انا مش هاخد عزا حد وهامشي من هنا برضاك او غصب عنك هامشي من هنا ..
لتتابع بتحدي اكبر وقد سيطر عليها حقد اسود
=انت عاوز مني ايه انا عارفه انك بتحتقرني وشايف اني مكنتش اليق اني اتجوز ابن عمك ولا اني اكون من عيلة الانصاري يبقى خليني امشي من هنا وانسوا اني مريت في حياتكم وانا كمان هنساكم وارتاح
قاسم بقسوه حاده
=مش هيحصل.. خروج من هنا مش هيحصل قبل ماخد منك حق سامح الله يرحمه مش هتخرجي من هنا الا بأمري وبعد ما اخلص منك كل اللي عملتيه
ليضيف بقسوه
=ولمعلوماتك انتي متراقبه كل اللي شغالين هنا عندهم اوامر مني شخصيا بأنهم يراقبوا كل تصرفاتك وانك ممنوعه من الخروج بره القصر الا بأذن مباشر مني شخصيا
شعرت ملك ببروده تجتاح جسدها وهي تشعر انها تسجن مره اخرى وتوضع تحت رحمة شخص مريض اخر من عائلة الانصاري يريد الانتقام منها وتعذيبها كما كان يفعل زوجها الراحل
لتندفع نحوه فجأه بدون تفكير وقد سيطر على تفكيرها فكرة واحده وهي الهروب والنجاه بحياتها مهما كلفها الامر حتى لو كان الثمن هو افتعالها فضيحه حتى تطرد من القصر
لتصرخ بعنف وهي تندفع نحوه و تقوم بجذب قميصه بعنف شديد حتى تمزق وتطايرت أزراره في الهواء وقد كشف عن صدره القوي العريض
وهي تتابع بغل
=وانا مش هقعد هنا حتى لو فيها موتي
لتبدء فجأه في الصراخ بقوه وهي تشق فستانها من الاعلى للاسفل بقوه وهي تصرخ بشده تريد ان يسمعها من في الخارج
استوعب قاسم سريعا مايحدث وهو يندفع نحوها بعنف يحاول ان يصمتها الا انها استطاعت الهرب منه وهي تواصل الصراخ بقوه
=الحقوني ... اااه.... بيحاول يتهجم عليا ..الحقووووني..
اندفع قاسم نحوها بسرعه شديده يكبل يدها للخلف وهو يسيطر على جسدها النحيل الذي يحاول الهروب منه وهو يضغط على عنقها بعنف و يقول بقسوه وقد انفلتت اعصابه
=يا بنت الكلب .. بتلبسيني تهمه.. ايه فكراني سامح وهخاف منك ..طيب ورحمة اللي مات وكنت السبب في موته لتحصليه و دلوقتي حالا.. 1
قاومته ملك بشده وهي تحاول ان تبعده عنها وهي تشعر بالاختناق واصابعه تضعط على عنقها بقوه اكبر وتمنع عنها تدفق الهواء حتى شعرت بالضباب يلف رأسها واللون الاسود يطغي على كل شئ و ادركت بقرب نهايتها
الا انها سمعت صوت رجل ضعيف يأتي من باب الحمام يقول بصرامه
=قاسم بتعمل ايه انت اتجننت..سيبها وابعد عنها ..
عاد قاسم لوعيه سريعا الا انه واصل الضغط على عنقها بقسوه متجاهل الصوت الذي مازال يطلب منه تركها وهو ينظر باحتقار وقسوه لملك الممزقة الملابس والشبه عاريه
والرجل يقول بصرامه اكبر
=قلت سيبها يا قاسم ايه هتكسر كلام جدك ..
ارتفع صوت لرجل اخر اكثر شبابا يقول بشماته وهو يدعي الغضب
=مش معقول قاسم بيه ابو الاخلاق كلها بيعتدي على شرف مرات ابن عمه اللي لسه مكملش اسبوع على موته 1
اندفع قاسم ناحيته بغضب بعد ان ترك ملك وهو يدفعها باحتقار بعيدا عنه ويحاول الاشتباك مع الرجل الاخر
الا ان صوت جده الغاضب منعه وهو يضرب بعصاه بقوه في الارض
=ايه هاتضربوا بعض قدامي خلاص مبقاش ليكم كبير ..وقفوا المهزله دي حالا
ليتابع بصوت أمر..
=قاسم غير هدومك واستناني في مكتبي وانت يا رأفت ارجع على الشركه وهات الورق اللي طلبته منك واللي حصل هنا تنساه و متتكلمش فيه مع اي حد والا حسابك هيبقى معايا انا 2
ليوجه حديثه لكامله التي تتابع مايجري بصدمه
=وانتي يا كامله خديها لبسيها هدوم غير دي وانزلي للستات اللي بتعزي تحت وقوليلهم ان الصويت اللي سمعوه ده كان من مرات المرحوم إللي لسه مصدومه بموته واعصابها لسه تعبانه اتفضلو نفذوا اللي قلتلكم عليه يلا مستنين ايه ..
اندفعت كامله سريعا تنفذ أوامر الجد وهي تهمس بغيظ وهي تسند ملك بقسوه
=اتجري قدامي لما نشوف اخرة اللي بيجرى ده ايه
لتقودها للخارج وعيون الجد تتابعها بتفكير في حين تابع قاسم خروجها بصحبة كامله بقسوه واحتقار شديدان 1
الا ان رأفت قاطع ما يجري بخبث وهو يدعي الشهامه
=اللي تأمر بيه يا انصاري بيه بس انا بقول مرات المرحوم تيجي تقعد في الفيلا معايا انا وماما
ليتابع وهو ينظر بسخريه خبيثه لقاسم
=أظن ده هيكون أحسن ليها وأأمن كمان
قاسم بصرامه شديده
=بق أأمن ليها ...طيب إسمع يا رأفت لازم تعرف ان مش ده وقت الصيد في الميه العكره ولا شغل الاطفال اللي انت متعود تعمله من زمان و لازم تعرف ان ملك مش هتخرج من هنا الا بأذن مني أنا شخصيآ وياريت متدخلش نفسك في اللي ميخصكش والا متلومش الا نفسك 2
رأفت بسخريه وشماته
=إزاي ميخصنيش دا شرف ابن خالتي الله يرحمه وانا اكتر واحد يخاف عليه ولا ايه يا انصاري بيه
قاسم بتوعد بارد كالفولاذ
=وتخاف عليه من مين ..مني أنا؟!!
رأفت بحقد وقد انفلتت اعصابه
=يا بجحتك يا أخي دا إنت مظبوط وانت بتحاول تعتدي عليها وفي الحمام كمان دا غير انك مقطع هدوم...
قاطع قاسم رأفت فجأه وهو يلكمه بقسوه وعنف في وجهه في حين اختل توازن رأفت وهو يقع أرضآ وأنفه ينزف بغزاره شديده
وقاسم يقول بقسوه وغضب
=كلمه تانيه هندمك على اليوم الي اتولدت فيه
رأفت وهو يحاول النهوض وانفه ينزف بغزاره
=عجبك اللي بيحصل تحت سقف بيتك وقدام عنيك يا انصاري بيه ولا عشان اللي عمل كده يبقى قاسم يبقى مفيش حد هيقدر يحاسبه
ضرب الجد عصاه بعنف في الارض وهو يقول بغضب
=كفايه كده يا رأفت واتفضل اعمل اللي طلبته منك وحسابي معاك على الكلام الفارغ اللي قولته ده بعدين
وانت يا قاسم انا مستنيك في المكتب عشر دقايق وتكون عندي
اتفضلوا يلا ولا كلامي هيتكسر مره تانيه
تفرق الجميع لتنفيذ اوامر الجد الصارمه الا قاسم الواقف يتابع خروج رأفت بقسوه في حين قال الجد بهدوء
=اهدى ياقاسم انا متأكد انك مستحيل تعمل كده وان في تفسير للي شوفته اخرج غير هدومك ..انا مستنيك في المكتب تحت
انصاع قاسم اخيرا لكلمات جده المهدئه وخرج وقد تعاظم حقده على ملك وتأكده من انها افعى يجب التخلص منها ومن شرورها
في حين جلست ملك وهي تشعر بالصدمه والذهول مما فعلته وهي تتابع الخدم وهم يحاولون وضع ثياب جديده عليها والتخلص من الثياب الممزقه التي ترتديها في حين تركتها كامله سريعا وتوجهت للاسفل لتتحدث للمعزيين وهي تحاول درء الفضيحه وتفسير اصوات الصريخ والشجار الذي استمعوا اليه وتبريره بان زوجة المرحوم مازالت تبكي وتصرخ حزنا على زوجها 1
في حين توجه قاسم الى المكتب لمقابلة جده بعد ان قام بتغيير ثيابه الممزقه باخرى جديده
ليجلس بهدوء امام جده في حين قال الجد بصرامه
=احكيلي ........
قاسم ببرود
=احكيلك ايه ..واحده جوزها لسه متوفي خارجه من المستشفى و اعصابها تعبانه وصلتها اوضتها ابتدت تصرخ وتتصرف بجنون زي ما انت شوفت
الجد بهدوء
=وهي برضه اللي قطعت هدومها وقطعت هدومك وغرقت نفسها بالميه وخليتك تخنقها
نهض قاسم وهو يقول بغضب
=جدي انا معملتش حاجه غلط ومش هدافع عن نفسي قدامك عن حاجه معملتهاش
الجد بهدوء
=وانا مصدق انك معملتش حاجه غلط لان انا عارف انا مربيك ازاي ..بس الحل دلوقتي ايه..
قاسم بتساؤل حائر
=حل ايه اللي بتتكلم عنه يا جدي مش فاهم
الجد بهدوء
=ابن خالة سامح الله يرحمه شاف اللي حصل ومش هيسكت هينشر اللي شافه بين كل معارفنا والمعزيين اللي سمعوا صريخها وصريخك انت و رأفت اكيد حسوا ان فيه حاجه غلط دا غير اني مستبعدش انه يسرب اللي حصل للصحافه وتبقى فضيحه للعيله كلها
قاسم بغضب
=طيب خليه ينطق كلمه واحده وانا انسفه من على وش الدنيا
الجد بهدوء
=دا مش الحل للمشكله اللي احنا واقعين فيها
قاسم بغضب
=حل ايه يا جدي انا مش فاهم انت تقصد ايه ؟!!
الجد وهو يضرب عصاه في الارض بقوه وتصميم
=الحل انك تقطع لسان اي حد ممكن يجيب سيرتنا وتفوت الفرصه على اي حد عاوز يسبب لينا فضيحه ..
قاسم بغضب
=انت بتقول ايه يا جدي وضح كلامك تقصد ايه
الجد بتصميم قوي
=تتجوزها يا قاسم .. تتجوزها وده أخر كلامش