إعراب المفعول لأجله
المفعول لأجله شرح درس المفعول لأجله
المفعول لأجله، شرح درس المفعول لأجله، إعراب المفعول لأجله، تدريبات على درس المفعول لأجله .
تعريف المفعول لاجله:
المفعول لأجله هو اسم يبين سبب وقوع الفعل.
وبنسال عن المفعول لاجله بكلمة السر ( لماذا ).
شرح تعريف المفعول لأجلة:
تعال بقى كده يا بطل نفهم التعريف، اسم يعنى مش فعل ولا حرف❤️ سهلة جدا ماشي، يبين سبب وقوع الفعل يعنى بيقول الفعل ده حصل ليه بس كده يا باشا بكل سهولة والله وتعال ناخد أمثلة عشان نفهم اكتر .
أمثلة على المفعول لأجلة:
كيفية استخرج المفعول لأجلة.
اصلي ارضاءآ لله.
لماذا اصلي؟؟؟؟؟؟ ارضاءآ يبقي ارضاءآ مفعول لاجله.
اقوم للمعلم احترامآ له، لماذا تقوم للمعلم؟ احترامآ تمام يبقي احترامآ مفعول لاجله، طيب ليه مفعول لاجله، عشان الشروط اتحققت طيب هي اي الشروط 🙄🙄🙄 متبصليش كده بس😯😯😒🤔
شروط المفعول لأجله:
المفعول لأجله له شرطين بس الاول أن يكون اسم، الشرط الثاني يكون إجابه سؤال لماذا
احترامآ اسم واجابه سؤال لماذا وارجع اتاكد بنفسك.
فهمت الدرس 😍 ايو طبعا فهمت انت شرحك ممتاز يا مستر❤️ طيب يا وحش يلا استخرج المفعول لاجله من المثال ده.
تدريبات على المفعول لأجله:
اذاكر رغبة في النجاح.
هتقولي طبعا ( رغبة ) هنا هي المفعول لاجله، عشان اما سألنا لماذا اذاكر !!؟؟كانت الإجابة رغبة في النجاح. هقولك برافو عليك يا بطل.
خليك فاكر ديمآ المفعول لأجلة لا يكون إلا اسمآ.
اسئلة على المفعول لأجله:
خد المثال ده.
اذاكر لأنجح، هتقولي بسرعه انجح هنا مفعول لأجله؛ لأننا اما سألنا لماذا اذاكر؟ كانت الاجابه لأنجح💪💪💪 هقولك برافو عليك اجابتك خطا، مش احنا قولنا المفعول لاجله بيكون اسم🙄 طيب هيا «أنجح» اسم، هتقولي لا ده فعل، هقولك خلاص تبقي مش مفعول لأجله.
عايز بس اقولك إن مش اي إجابة سؤال لماذا يبقى مفعول لأجله، لازم الشرطين يتحققوا، ايو الشرطين إنه يكون اسم وإجابة سؤال لماذا.
إعراب المفعول لأجلة:
المفعول لأجلة إعرابه سهل جدا وثابت مش بيتغير مفعول لأجله منصوب وعلامة نصبه الفتحة دائمآ.