شرح الجملة الفعلية

شرح الجملة الفعلية 

شرح الجملة الفعلية

الجملة الفعلية

الجملة الفعلية، شرح الجملة الفعلية ، أمثلة على الجملة الفعلية، أركان الجملة الفعلية، جملة فعلية فعلها ماضي، جملة فعلية فعلها مضارع، جملة فعلية فعلها امر



تعريف الجملةالفعلية:

الجملة الفعلية هي التي تبدأ بفعل سواء فعل ماضي، أو فعل مضارع، أو فعل أمر.


أمثلة على الجملة الفعلية:

مثل: "شرب أحمد اللبن" كل اللي بنعمله عشان نعرف نوع الجملة بتاعتنا جملة فعلية أو جملة اسمية.
إننا هنشوف اول كلمة في الجملة اسم أو فعل، لو اسم بتكون الجملة اسمية، ولو فعل بتكون الجملة فعلية😊.




عارفك طبعآ بتقولي احترم ذكائي الخارق😊🤣 وعايز تسال وانا هعرف منين اول كلمة اسم أو فعل🤣🤣اصل انا متعود اجيبها بالبركة كدة🤩 مرة تطلع صح وعشرتلاف غلط🤷🤷🤷.




بص يا باشا عشان تعرف الجملة إسمية أو فعلية ضيف لأول كلمة حرفي "ال" واقرا الكلمة لو لقيت نطق الكلمة صح هتكون الكلمة اسم.


ولو معرفتش تنطق الكلمة بوجود "ال" هتكون الكلمة فعل بس كده 😊😊.




المثال اللي معانا "شرب احمد اللبن" كلمة "شرب" حطلها "ال" هتصبح " الشرب" ❌

مينفعش تقول "الشَرَبَ احمد اللبن"يبقي ده فعل والجملة فعليه.




ببساطه دخل حرفي "ال" على اول كلمة في الجملة لو النطق صحيح يبقي الجملة إسمية ولو النطق مش صحيح او المعنى اتغير هتكون الجملة فعلية.



مثال آخر:(دَخَلَ المعلم الفصل) يا ترى هذه الجملة إسمية أم جملة فعلية، كل اللي هنعمله هندخل حرفي (ال) على اول كلمة في الجملة ونشوف النطق لو قدرنا ننطق الكلمة بشكل سليم والمعنى لم يختل هتكون الجملة إسمية، ولو مقدرناش ننطقها هتكون جملة فعلية، المثال اللي معانا يلا نجرب وندخل (ال) على اول كلمة فهتصير
(الدَخَلَ المعلم الفصل) طبعا النطق هيكون خطأ فالجملة هتكون فعلية.



أقسام الجملة الفعلية: 

تنقسم الجملة الفعلية إلي ثلاثة أقسام
جملة فعلية فعلها ماض، وجملة فعلية فعلها مضارع، وجملة فعلية فعلها امر، وإليك التفصيل 👇.

1- جملة فعلية فعلها ماضي:

 الفعل الماضي وهو ما دل على حدث إنتهى قبل زمن التكلم.

أمثلة على الجملة الفعلية فعلها ماضي:

شرب احمد اللبن، لو سالتك إنت فهمت اي من الجملة؟!.


هتقولي فهمت إن احمد شرب اللبن طيب هل احمد لسه بيشرب؟ هتقولي لا ده شرب وخلص، هقولك بالظبط كدة هو دة الفعل الماضي يدل  حاجه خلصت وإنتهت.


2-  جملة فعلية فعلها مضارع:

وهو ما دل على فعل أو عمل أو حدث يحدث في وقت التكلم، بمعنى العمل لسه شغال منتهاش.


أمثلة على الجملة الفعلية فعلها مضارع: 

يشرح المعلم الدرس، الياء إللي في بداية الفعل ”يشرح“ تسمى ياء المضارعة بمعنى لو شفتها في بداية اي فعل اعرف أن الفعل ده فعل مضارع.


يعني الفعل ده يقام الآن ولم ينتهي، الفعل المضارع فيه حاجه سهلة كده عشان نعرفه بسرعه، بص لو لقيت اي فعل بيبدا بحرف من الاربعة دول اعرف أن الفعل ده فعل مضارع " ا-ت-ي-ن”


اشرح الدرس.
اشرح الدرس.
نشرح الدرس.
يشرح الدرس.
كلها أفعال مضارعه؛ لأنها بداءت بحرف من احرف المضارعة الأربعة.




3- جملة فعلية فعلها امر:

ويكون بصيغة الأمر، مثال والدك يدخل عليك وانت ماسك التلفون ويقولك 😊😊😊😊شايف انا مقولتش قال أي ازي عشان انا بس بحبك.


أمثلة على الجملة الفعلية فعلها آمر:

وهيكمل كلامه ويقولك #ذاكر دروسك، #إعمل واجبك، #نم كي تستيقظ مبكرآ.


الأفعال " ذاكر - إعمل - نم " ، كلها أفعال أمر لأنها انت بصيغة الأمر.



أركان الجملة الفعلية:

تتكون الجملة الفعلية من ركنين هما الفعل والفاعل.

أمثلة معربة على الجملة الفعلية:


مثال: شرب أحمد اللبن.
شرب : فعل
أحمد : الفاعل
الإعراب:
شرب فعل ماضي مبني على الفتح.
أحمد فاعل مرفوع وعلامة رفعه الضمة الظاهرة.
اللبن مفعول به منصوب وعلامة نصبه الفتحة.



تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -