سبع مراحل لاعتراض الصواريخ الإيرانية… وبرضه في صواريخ بتعدي وتضرب إسرائيل!
🟠 الانذار المبكر
أول ما الصاروخ الإيراني بيطلع من منصته، الأقمار الصناعية والرادارات الأمريكية والإسرائيلية بتلقطه في لحظتها. الإنذار بيتبعت فوراً لكل القواعد العسكرية في المنطقة، وبيبقى فيه حالة طوارئ قصوى. هنا بيبدأ السباق مع الزمن، لأن الصواريخ الجديدة دي سريعة جداً، وبتدي فرصة رد فعل صغيرة جداً!
🟡 الاعتراض عبر القواعد الأمريكية بالخليج
أول خط دفاع حقيقي هو السفن الحربية الأمريكية اللي واقفة في الخليج العربي. السفن دي مزودة بأنظمة Aegis، وبتحاول تصطاد الصواريخ وهي لسه في الجو. ساعات بتنجح، وساعات الصواريخ الإيرانية بتكون أسرع أو بتغير مسارها فجأة وتفلت.
🟢 القواعد الأمريكية في العراق
لو الصاروخ عدى من الخليج، بيلاقي نفسه في وش القواعد الأمريكية في العراق، اللي فيها أنظمة دفاع زي THAAD وPatriot. هنا بيحاولوا يضربوا الصاروخ بدري بدري، بس لو الصاروخ من النوع الفرط صوتي أو بيغير مساره، بيبقى صعب يتصد.
🔵 الدفاع الجوي الأردني
لو الصاروخ كمل وعدى، بيدخل على الأردن. سلاح الجو والدفاعات الجوية الأردنية بيحاولوا يعترضوا أي صاروخ أو طيارة مسيرة ممكن تقع على أراضيهم أو تكمل على إسرائيل. وفعلاً الأردن نجحت في اعتراض شوية صواريخ ومسيرات الأيام اللي فاتت.
🟣 السفن الأمريكية في البحر الأحمر
فيه كمان سفن أمريكية في البحر الأحمر، واقفة متأهبة لأي صاروخ يمر من الجنوب، وبتحاول تعترضه قبل ما يوصل للحدود الإسرائيلية أو حتى الأراضي المصرية أو السعودية.
🟤 السفن الأمريكية في المتوسط
ولو الصاروخ حاول يلف أو يعدي من ناحية البحر المتوسط، السفن الأمريكية هناك بردو مزودة بأنظمة دفاع متطورة، وبتحاول تصطاده في الجو قبل ما يدخل المجال الجوي الإسرائيلي.
⚫ الدفاع الجوي الإسرائيلي
أخيراً الصاروخ يوصل فوق إسرائيل… هنا بقى بتشتغل كل طبقات الدفاع الجوي الإسرائيلي:
- القبة الحديدية (Iron Dome) للصواريخ القصيرة
- مقلاع داوود (David’s Sling) للصواريخ المتوسطة
- آرو ٢ وآرو ٣ (Arrow 2 & 3) للصواريخ الباليستية الطويلة
- وكمان فيه أنظمة الثاد والباتريوت الأمريكيتين
كل الأنظمة دي بتشتغل مع بعض في سباق مع الزمن، وكل صاروخ بيتحلل مساره في ثواني، ولو فيه خطر على منطقة سكنية أو هدف مهم، بيتم اعتراضه فوراً. بس… وبرغم كل ده، مش كل الصواريخ بتتصد.
🟡🟢 ليه في صواريخ إيرانية بتعدي وتضرب أهدافها في إسرائيل؟
- إيران بقت بتستخدم صواريخ فرط صوتية سريعة جداً، بتخلي وقت الرد قصير جداً وصعب تتبعها.
- إيران بتطلق أعداد ضخمة في نفس الوقت، فبتجهد الدفاعات وتخليها تستهلك مخزونها من الصواريخ الاعتراضية.
- فيه صواريخ بتغير مسارها فجأة أو بتطير على ارتفاعات مختلفة، فبتصعب على الرادارات تتوقع مكانها بالظبط.
- إسرائيل نفسها بدأت تعاني من نقص في صواريخ الاعتراض، فبتضطر تختار الصواريخ اللي تعترضها وتسيب الباقي.
أخيراً
مفيش نظام دفاع جوي في العالم بيقدر يصد ١٠٠٪ من الصواريخ… كل ما التكنولوجيا تتطور، الهجوم والدفاع بيجروا ورا بعض، ودائماً في صاروخ ممكن يعدي مهما كانت الحماية قوية.
🔴 إيران من شوية قصفت مفاعل ديمونة ب 3 صواريخ... ودمرت مبنى تكنولوجي استخباراتي مرتبط بالجيش الإسرائيلي وشغال فيه ناس من شركة مايكروسوفت!
اللي حصل خلال الكام ساعة اللي فاتوا وانت نايم، يعتبر واحد من أخطر التصعيدات والضربات الصاروخية اللي نفذتها إيران ضد الاحتلال لحد دلوقتي... واتسببت في أضرار غير مسبوقة وهلع رهيب هناك لدرجة ان حركة الزوارق الاسرائيلية الهاربة من الأراضي المحتلة لقبرص زادت أضعاف!
⚫️ طب هو ايه اللي حصل؟
تعالى أحكيلك التطورات كده سريعًا 👇
🔴 شوف يا سيدي... على وقت الفجر كده من ييجي 4 ساعات، إيران أطلقت مجموعة جديدة من الصواريخ ضمن هجمات "الوعد الصادق"، اللي بتنفذها يوميًا ضد الاحتلال...
بس المختلف المرة دي بقى هو إن حسب الإعلام الإسرائيلي، الصاروخ اللي تم اطلاقه كان شايل حوالي 300 كيلو متفجرات.. وقدر يصيب محيط المركز التكنولوجي في مدينة بئر السبع جنوب فلسطين المحتلة!
🟢 المكان ده مش أي مكان... ده مركز تقني ضخم بيقدّم خدمات تجسس وذكاء صناعي لصالح الجيش الإسرائيلي، وشغال فيه موظفين تابعين لشركات عالمية زي مايكروسوفت وIBM، وضباط تقنيين تابعين لوحدات الحرب الإلكترونية في الجيش الإسرائيلي!
المفاجيء في الموضوع هو ان الضربة كانت دقيقة جدًا... هو صاروخ فرط صوتي واحد بس اللي اتضرب بعد ما تم انهاك القبة الحديدية، وحسب الإعلام العبري فهو ما تمش اعتراضه أصلًا، وتسبب في خسائر كبيرة في الممتلكات، وكمان نتج عن الضربة حريق ضخم حواليه، وإصابات وسط المدنيين بلغ عددها حسب آخر احصائية حوالي 40 شخص، ده غير تدمير عربيات وتأثر مباني مجاورة...
🔵 المبنى اللي اتضرب تحديدًا هو Gav-Yam 4، وده بحسب الإعلام الإيراني مكان بيتم فيه تدريب عناصر الاستخبارات على استخدام الطيارات المسيرة، وكمان فيه مكاتب مرتبطة بأعمال التجسس التابعة لوحدات الجيش والأمن الداخلي الإسرائيلي..
والأخطر كمان هو إن نفس المنطقة فيها مجمع استخبارات عسكري ضخم تابع للجيش الإسرائيلي، بيضم وحدة "أوفك" التكنولوجية التابعة لسلاح الجو، ومراكز تكنولوجيا سيبرانية تانية، ومعاهم قيادة منطقة الجنوب العسكرية بالكامل!
🟡 وبسبب الفوضى، محطة قطارات بئر السبع نفسها اتقفلت بالكامل بسبب الأضرار اللي حصلت من الصاروخ، وده بحسب القناة 12 الإسرائيلية..
خسارة غير مسبوقة وضربة مباشرة متعرضش الكيان لحاجة زيها في تاريخه كله تقريبًا...
🟣 بس عارف بقى الأخطر من كل ده أيه؟!
🔴 حسب وسائل الإعلام الإيرانية، ف في 3 صواريخ على الأقل تم اطلاقهم على منطقة ديمونة اللي جواها مفاعل ديمونة النووي.. ولحد دلوقتي الجيش الإسرائيلي فارض رقابة عسكرية مشددة على الموقع، والإعلام متكلمش عن تفاصيل الضربة وفي تعتيم شبه كامل على الخبر.. وغالبًا ممكن تسمع كمان شوية أخبار عن ان المفاعل اتعرض لأضرار أو اصابات في المنطقة المحيطة بيه... (بس لسه مش مؤكد)..
🟢 والموضوع موقفش هنا... خلال الساعات والأيام اللي فاتت، في حركة زيادة غير اعتيادية وغير مسبوقة في اليخوت والزوارق السياحية اللي طالعة من مواني حيفا وأشدود ومتوجهة نحو قبرص.. والإعلام العبري بيوصف اللي بيحصل ده بإنه حالة "هروب جماعي" للمواطنين الإسرائيليين، هربًا من القصف!
اللي بيحصل دلوقتي ده يا صديقي مش طبيعي وفوق مستوى التوقعات...
⚫️ إيران بتضرب إسرائيل في عمقها التقني والعسكري، وبتقصف مراكز التطوير والتكنولوحيا اللي بتقود الحرب من ورا الكواليس، وإسرائيل مش قادرة تتعامل مع الهجمات دي بالسرعة الكافية، والدفاعات الجوية – اللي كانت زمان فخرهم – فشلت في اعتراض صاروخ واحد بس دمر نصف مجمع أمني