أنا الانسان الوحيد اللي مبحبش أقابله دايماً متخاصمين

أنا الانسان الوحيد اللي مبحبش أقابله دايماً متخاصمين

أنا الانسان الوحيد اللي مبحبش أقابله دايماً متخاصمين


= ليه؟

- كل ماجي أحط راسي على المخدة سين وجيم ولوم

= وليه اللوم.. أنت بتعمل حاجة تغضب ربنا ؟! 

- مش عن قصد.. أخطائي زي ما تقولي نوع من الهروب.. دي مسائل ما تفهميش فيها إنتي.. لكن هكلمك عنها برده بدل ما أكلم نفسي..

ساعات الواحد بيكلم الحيطة..

= وبتهرب من إيه؟! 

- من الوِحدة، في إيه في الريف غير الوحدة والملل؟ الأيام كلها زي بعضها.. في الصبح مرور على الجسور، و بالليل لعب الورق في النادي مع نفس الأصحاب، همّا كمان الملل صابِبهم في قوالب، عقولهم وقفت وأفكارهم اتجمدت زي اللي تكون متسجلة على اسطوانات.. يعيدوا النكتة القديمة، ويضحكوا عليها من جديد ويكرروا الحكايات الوضيعة، وتسليتهم الوحيدة ان واحدة تروح و واحدة تيجي تاخد دور البطولة في الحكاية الوضيعة..! 


دعاء الكروان | 1959 


في قاعدة أساسية في التصوير وهي أن اللي مسيطر علي المشهد بيسيطر علي الكادر وهنا الباشمهندس هو اللي كان مسيطر على المشهد باعترافاته ولحظات صدقه مع النفس عشان كده هتلاقي أحمد مظهر مسيطر على الكادر وفاتن حمامة واللي بتمثل في المشهد ده انعكاس له أو بمعني آخر زي المرآة اللي بيفضفض قدامها بأسرارها لكن المرايا بنتكلم قدامها بس لكن مش بترد علينا ولا تتخذ قرار اهو فاتن في المشهد ده كده مجرد مرآة ودورها محدود _بص لردودها في المشهد هتلاقيها زي " ليه وازاي وعشان إيه" وكلها ردود عشان تفتح لمظهر سكة الحوار_عشان كده كان حجمها ضئيل اوي في المشهد بالإضافة لمدلول اخر هبقي اقوله لما أتكلم عن مشاهد الفيلم.

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -