الفصل الثاني رواية حب ابن الجيران لمنة الطويل

أنا: ودا بمناسبة اي؟ 
هو: نتصالح وبعدين احنا جيران وبلكونتي جنب بلكونتك ممكن نبقي صحاب وانا آسف علي قلة ذوقي امبارح بس كان ورايا حاجه مهمة ولازم اخلصها
أنا: عادي ولا يهمك 

حب بنت الجيران


هو: ها يستي أنا اسمي قُصَي، أنتِ اسمك اي؟ 
أنا وانا مستسقله دمه: تسنيم. 
هو: اسم جميل يا تسنيم، بتدرسي؟ 
أنا: ايوا في صيدلة سنه 2.
هو: بجد! ، أنا في هندسه سنه 4 لو احتاجتي حاجه قوليلي أنا صحابي كلهم صيدلة
أنا: لا شكرًا مبحتاجش حاجه 
هو علي العموم هما مِن الاوائل علي دفعتي وهيقدرو يفيدوكِ
انا وخلاص فاض بيا منه: شكرًا، هدخل عشان ورايا محاضرات الصبح، تصبح علي خير 
هو: وأنتِ من أهله يارب.

 _دخلت ومستتقلة دمه اوي بارد اوي وبيتكلم بعشم لي وعمال يسال هو مالو بيا أصلًا هو اه قمر جدًا يعني وعيل حليوة كدا وصوته قمرين وهو بيغني للعندليب بس ملهوش دعوة بيا برضو 

_روحت كليتي تاني يوم وحضرت محاضراتي وخلصت وكان يوم صعب وروحت وجه الليل ودخلت بلكونتي بكتبي.. 
_قاعدة بذاكر علي الترابيزة زي منا ولقيته طالع فمسحت وشي وسكت وكملت وكأن شيئًا لم يكُن. 

هو: أنتِ بتعيطي! 
أنا: لا طبعًا دا شغل عيال صغيرة انا مبعيطش . 
هو: باين علي وشك طبعًا يا اللي مش صغيرة في إي واي اللي حصل؟ 
أنا: عادي مفيش حاجه بسيطه يعني 
هو: طب ممكن أعرف في ايه طيب! 
أنا: فيه جزء مش فاهماه ومش عارفة اذاكره وعندي امتحان بكره ومتعودتش انقص (فككو مِن الكاريزما دي تسنيم بتقعد تصيح قبل الامتحانات عشان متشيلش بس.) 
ماما دخلت 
ماما: ها يا تيتو بتذاكري
هو: ازيك يا طنط. 
ماما: الحمد لله ازيك انت يا حبيبي عامل اي 
أنا: هو أنتوا تعرفوا بعض! 
ماما وهو في صوت واحد: أوماال 
ماما: مش أنا قولتلك قرايب يا تسنيم
أنا: معلش يا ماما اعذريني دماغي مش فيا. 
هو: طنط ينفع اجي اشرح لتسنيم اللي مش فاهماه 
ماما: تنور يبني اتفضل 
أنا: لا طبعًا ازاي يعني انا صيدلة وهو هندسه ومش عايزة هبد بقا

_جه الأستاذ عدي وجالي وقعد يشرحلي اللي عاوزاه كله وفهمته اوي الحمدلله وكمان اتصل بصحابه وجابلي ملخصات مفيدة ولخصلي كام نقطه مكنتش عارفه اثبتهم وحقيقي بعيدًا عن أنه قمر فهو شاطر جدًا كمان. 

_تاني يوم روحت الامتحان وكان سهل اوي وحليته كله وروحت وأنا فرحانه وعايزة اشكره بأي طريقة.. 
دخلت المطبخ عملت كيكه بالشيكولاته وقهوة وخرجت للبلكونه وكل حاجه جاهزو وكنت مستنياه يخرج عشان اشكره بالطريقة اللطيفة دي لقيته اتأخر ومخرجش ف قررت انده عليه.. 
أنا: أستاذ قُصَي، يا كابتن، انت يال هناك! .. 
-لقيتو طلعلي وبيقولي نعم
أنا: لقيتك مطلعتش ف قررت انده عليك خد قهوتك ودي كيكه عاملاها بمناسبة اني حليت كويس 
هو: شكرًا 
أنا: في اي متضايق كدا ليه؟ 
هو: لا بس الشغل عندي مشاكل فبحاول اصلحها 
أنا: أقدر اساعدك! 
هو: أنتِ بتعرفي ترسمي؟ 
أنا: طبعًا يبني أنتَ متعرفش اني رسامه شاطرة ولا اي . 
هو: طب يا لمضه خدي ساعديني ف دول 
أنا: هعديلك لمضه دي لحد ما نخلص.. 
_سهرنا في البلكونه خلصنا شغله وراح تاني يوم سلمه والحمد لله المشكله اتحلت وكل حاجه بقت تمام واحنا بقينا اصحاب. 
_عدت الأيام وكل يوم بشوفه ونسمع عبد الحليم ونذاكر ونخرج وكل حاجه بنعملها مع بعض واتعرفنا علي بعض اكتر وجه يوم تخرجه وكنت فخورة اوي بيه لإنه كان طفل حقيقي بفرحته دي.. 
بعد حفلة التخرج بتاعته دي واللي جت بعد سنه كامله مِن بعد ما عرفتو خرجنا خروجه جامدة انا وهو بس وبعدنا عن الدفعه كلها وروحنا الكافيه اللي بحبه وكان مشغل اغنية العندليب صدفة.. 

في الخروجه .. 

هو: تيتو عايز اقولك حاجه بس خايف .. 
انا بتريقه: وه خايف مني دنا بدأت أحس أنك جبلة يبني 
هو: مبهزرش يا تسنيم 
أنا: طب في اي يا قُصَي قول انا سامعه اهو
هو: تسنيم أنا بحبك وقايل لمامتك اني عايز اتجوزك وقالت المهم موافقتك انتي مش موافقتها 
أنا "ببعد ما لبست قناع الجدية علي وشي": طب وهي إي رأيها؟ 
هو: موافقه طبعًا وبتحبني أنا اصلا أتحب
(نرجسي أوي معلش ليه حق قمر وضحكته قمرين) 
أنا: هقرفك بأغاني أم كلثوم! 
هو: منا خلصت دراسة خلاص
أنا: هغني وصوتي وحش! 
هو: اتعودت عليه ومبسمعش أحلي منه
أنا:مش هبطل طفولتي وهعمل مقالب فيك!
هو:اتعودت والشاطر يستحمل، هااا موافقه!
أنا: هتحبني علي طول وهتخاف عليا وتراعي ربنا فيا وتجيبلي مصاصه وتقرا معايا روايات وكتب وتجيبلي ميكب و ورد؟ 
هو: وشيبسي وشيكولاته وايس كريم وبيتزا ونوتات كيوت وفساتين ديزني ال بتحبيهم كمان 
أنا: هات المأذون يبني 

وجه يوم كتب كتابنا وكان فرحان بيا اوي واتكتب كتابنا وبقيت علي اسمه وحاجه في منتهي القمر حقيقي 

هو: بحبك يا كل حاجه حلوه فيا يا وصية النبي💚🌿. 
أنا: بحبك أكتر . 

وأشتغل عمك عبد الحليم ف الخلفية: 
*أول مرة تحب يا قلبي واول يوم تتهني💚*

مـنـة الـلـه الـطـويـل "عـقـيـق" 💚

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -