جبنه كيف يضعون السرطان في ال جبنه

 
جبنه

كيف يضعون لنا السرطان في ال جبنه؟

جبنه والسرطان

بعد ضبط مصنع بينتج الجبنة من معجون دهان الحوائط في المنوفية.. تواصلت مع أحد العاملين منذ سنوات في معامل تصنيع الجبنة وله باع طويل في العمل بالعديد من المحافظات المشهورة بالجبنة كدمياط والشرقية والمنيا وحاليا يعمل في القاهرة..


قالي إن عالم الجبنة ده مافيا كبيرة وبيكسبوا ملايين حرفيا يمكن أكتر من تجارة المخدرات.


حسب كلامه فهم بيلعبوا في كل حاجة من حيث اللون والطعم وحتى الوقت اللي بتستوي فيه الجبنة عشان تبقى جاهزة للبيع..


أكد إن اغلب الجبن الأبيبض السايب اللي بيتباع في الماركتات والمحلات بالربع والتمن ده مضاف له بودرة سيراميك عشان يبقى ناعم ويداري على كل البلاوي الأخرى الموجودة في اللبن المصنوع منه الجبنة..


أما أغلب الجبن الجافة كالجبنة الرومي والشيدر مثلا بيضاف لها معجون الحوائط عشان تبقى متماسكة وتستوي بسرعة ومتاخدش وقت في الصنع..


بيقول إن مثلا الجبنة البراميلي بتحتاج 6 شهور ع الأقل تخزين طبيعي عشان تبقى ناضجة وجاهزة للاكل، لكن الطماعين والفاسدين بيحطولها مكسبات طعم ودهون نياتية خطرة جدا بتسبب السرطان عشان تستوي في شهر واحد ويمكن أقل..


حسب كلامه بيتم استخدام الفورمالين والكالسيوم وفوسفات البوتاسيوم ودهون أخرى رديئة جدا لتقليل الفاقد من اللبن المصنوع منه الجبنة.. يعني مثلا الطبيعي إن العشرة كيلو لبن في الصناعة الطبيعية بتفقد 2 كيلو شرش فيكون الناتج 8 كيلو جبنة فقط.. لكن بيتم وضع المواد دي للعمل على تماسك الشرش مع اللبن ويكون الناتج 10 كيلو جبنة ومفيش أي فاقد.. وطبعا عشان اتنين كيلو جبنة بيدمروا صحة الناس.. 


ومن كتر المواد الحافظة الخطرة ففي المعامل بيسيبوا الجبنة خارج التلاجات لمدة تصل 20 ساعة وهم مطمنين إن المواد الحافظة مش هتبين إنها عفنت او باظت


طب إزاي نعرف إن الجبنة دي مغشوشة؟


حسب كلام الراجل ده فانت لما تاكل الجبنة وتلاقيها مش بتدوب في بقك وبتلزق في الحلق أو لها أي نكهة مختلفة عن نكهة اللبن الطبيعي فهي مغشوشة.. والمغشوشة بيكون فيها مرارة وكمان ليها ريحة شبه ريحة دواء الأطفال..


آه.. كمان قال إن الجبنة القريش الوحيدة اللي صعب تتغش.. كلوا جبنة قريش يا جماعة


وزير التربية والتعليم


الصحفي هشام اليماني

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -